Serralux gróðurhús, 2,70m breið - Lágafell

Serralux gróðurhús, 2,70 metra breið

Serralux 2,7m á breidd.

Minnsta húsið sem við bjóðum með okkar sérsmíðaða styrktarbita. Mjög öflugt gróðurhús sem þolir verstu veður og er aðeins mjórra og lægra en okkar vinsælustu hús og getur því hentað vel þar sem lítið pláss er á breiddina.

Hæð veggja 1,65m – hæð í mæni 2,3m

Einföld rennihurð innifalin í verði. Hægt að fá hillur og ræktunarbakka sem aukahluti. Einnig er 14sm hilla aukahlutur en hún er yfirleitt staðsett ofar á veggnum og stundum eru þær hafðar 2 ef mikið er ræktað í pottum.

Stærðir í boði:

Verð miðast við állitað hús en mögulegt að velja um 9 RAL liti – sjá hér

Lengd	Þakgluggar	Fermetrar	Verð
2.25m	1	6.08 m²	328.000
3.0m	1	8.10 m²	360.000
3.75m	2	10.13 m²	421.000
4.5m	2	12.15 m²	434.000
5,25m	2	14.18 m²	475.000
6,0m	2	16.20 m²	520.000
6,75m	3	18.23 m²	553.000
7,5m	3	20.25 m²	605.000

Nánari upplýsingar um aukahluti

Við tökum við

Panta

Gróðurhúsin frá Filclair Serren hafa staðið af sér válind og krefjandi veður á Íslandi í tæp 25 ár. Frá byrjun höfum við látið sérsmíða öfluga styrktarbita inn í sjálf húsin sem ýmist eru 1,2 eða 3 eftir lengd gróðurhúsanna og fyrirhugaðri stasetningu með tilliti til veðurfars. Styrktarbitarnir eru úr sterkbyggðum járnprófílum sem festast innan á grind gróðurhússins og eru í sama lit og húsið. Láréttur þverbiti er á efti hluta styrktarbitans til að draga úr hliðarátaki á húsin sem annars fylgir sterkum vindum og vindhviðum sem koma á hliðar gróðurhúsanna.

Þó vindur og mikið snjóálag sé líka þekkt erlendis eru aðstæður hérlendis víða slíkar að gróðurhús sem eru staðsett í litlu skjóli eru undir vindálagi mjög marga daga á ári og því skiptir miklu máli að í húsunum séu viðbótarstyrkingar, til að tryggja að húsin þoli þetta álag til lengri tíma. Auk styrktarbitanna okkar getum við boðið fjölbreytt úrval annarra styrkinga fyrir húsin sem við skoðum hvort þörf sé á að nota í hverju tilfelli fyrir sig.

Styrktarbitarnir okkar og aðrar styrkingarlausnir sem við bjóðum draga mjög mikið úr því álagi sem álgrind húsanna verður annars fyrir og tryggja langa og áfallalausa endingu gróðurhúsanna. Hér fyrir neðan má sjá hvernig styrktarbiti lítur út í uppsettu gróðurhúsi.